Botanix – Jarida kuhusu mimea

Toleo la Kiswahili

Ukuzaji wa Uyoga chaza (Pleurotus ostreatus)

Uyoga chaza (Pleurotus ostreatus) umekuwa maarufu sana siku hizi kuliko uyoga wa kawaida (champignon mushroom)! Ikihusianishwa na uyoga wa kawaida, Uyoga chaza una faida moja kubwa – haichanganywi na sumu (Amanita phalloides).

Uyoga chaza (Pleurotus ostreatus) una vitamini, amino asidi na madini, ambayo hukinga mwili dhidi ya nguvu ya sumu. Pia unasaidia kupunguza kiwango cha mafuta kwenye damu na ni nzuri sana kutumia kwenye mlo kwani una kiwango kidogo sana cha kalori. Pia inaaminika kwamba una nguvu ambayo ni kinga dhidi ya salatani.

Maelekezo ya ukuzaji wa uyoga chaza (Pleurotus ostreatus) Ukuzaji uyoga chaza unaweza kufanyika kwa namna mbili – kukuza kwenye mabua ndani ya mifuko ya plastiki, au magogo ya miti.

Ukuzaji kwenye mabua ndani ya mifuko ya plastiki

Mabua lazima yaandaliwe kwanza. Yasafishwe kuua bakteria, kuvu na ukungu mwingine. usafishaji unawezekana katika njia mbili:

  1. Weka mabua kwenye chungu kikubwa (birika au ndoo ya zamani) na mimina ndani yake kufunika mabua. Yapike katika kiwango cha nyuzijoto 100. Sasa yache mabua yapoe hadi kufikia kiwango cha nyuzijto 20–25.
  2. Njia ya pili (na rahisi zaidi) ni ifuatayo: weka mabua kwenye chungu kikubwa na mimina maji yaliyochemshwa juu yake. Mabua yako tayari kutumika yanapokuwa yamepoa kufikia nyuzijoto 20–25.

Sasa laza mabua na kuvu ya uyoga kwenye mfuko mkubwa wa plastiki – tabaka la mabua, tabaka ya kuvu, tabaka la mabua, tabaka la kuvu – n.k. mfuko mmoja wa kuvu unatosha kwa kg 15 – 20 za mabua yaliyolowana (hii inatosha kabisha kwenye mfuko kwa sm 50×100). Mfuko unapojaa, ufunge na kata matundu kumi ya sm 3–5 kila moja kwenye mfuko.

Kama unaotesha uyoga chaza katika mazingira yenye hewa kidogo, unaweza kutengeneza matundu machache (baadaye unaweza kutengeneza matundu zaidi kama itahitajika) kuepuka kukausha mabua. Baada ya kupanda, mifuko lazima iwekwe kwenye kivuli kidogo ili jua lisiipige moja kwa moja.

Hali ya hewa nzuri kwa kuotesha uyoga chaza ni nyuzijoto 15–25. kadri joto linavyokuwa juu, ndivyo uyoga chaza unavyokua. (Ingawa joto la juu hukausha mabua kwa haraka.)

Kwa sababu hii ni bora kuzoea joto kwa mahitaji ya uyoga chaza. Kama uyoga chaza unatengeneza kuvu zaidi kuliko inavyotakiwa katika wakati uliotolewa, uweke kwenye eneo la baridi. Unapohitaji kuvu zaidi, uweke kwenye eneo lenye joto! Baada ya miezi 3 hadi 4 uyoga chaza unatengeneza uyoga, ndipo nguvu za vurutubisho kwenye mifuko huchoka na unahitajika kutengeneza ulimaji mpya (hii unaweza kufanya kwa kupandikiza mabua ya zamani tena) mfuko mmoja utakupa takribani kg 2–4 za uyoga chaza.

Ukuzaji kwenye magogo ya miti

Kiasili, uyoga chaza huota kwenye miti yenye majani. Kwa sababu hii, unawezeka pia kuotesha kwenye magogo ya sm 30–80. unaweza kutumia mbao za miti yenye majani ya aina mbalimbali (siyo msonobari!). Ubao lazima usiwe na umri zaidi ya miezi 6. Kuna njia nyingi za ukuzaji uyoga chaza kwenye mbao. Ni muhimu sana uyoga chaza unakuwa na mahusiano moja kwa moja na mbao ili kwamba kuvu kwenye mbao waweze kukua. Weka mashina la kuvu kwenye 1/3 ya udongo katika bustani yako katika eneo lenye kivuli. Kwa suala la ukame, loanisha na maji. Mashina yatatoa uyoga katika kipindi cha miaka 2–5 ijayo (inategemea na kiwango cha virutubisho cha mashina).

Uuzaji wa Uyoga chaza

««« Makala iliyopita: Mti wa Tumbaku Nicotiana glauca – mmea wa roshani wenye tumaini! Makala inayofuata: Jinsi gani ya kushambulia wadudu walao nafaka? »»»

Ijumaa 8.7.2011 18:07 | chapa | Uyoga

Kuhusu KPR

KPR - Klabu ya Wakulima wa Bustani Slovakia
KPR - Klabu ya Wakulima wa Bustani ni shirika la kimataifa la wakulima wa bustani. Soma zaidi...
Shirikisha uzoefu wako kuhusu ukuzaji mimea. Andika makala kuhusu ukulima wa bustani, mimea, upandaji wa mimea nk. na uichapishe kwenye toleo la lugha yako la jarida letu la Botanix! Wasiliana nasi kwa taarifa zaidi.