Kamansi Artocarpus odoratissimus, Marang

Genus Kamansi (Artocarpus) maglaman yang 60 a uri na ning evergreen a tropical a tanaman keng pamilya na ning Moraceae (pamilya na ning mulberry). Atin keng Timog Silangan Asya at kareng isla keng Karagatang Pasipiko. Ing Kamansi kamag anak ne ning Ficus tanamang figs. Ing pinaka tatanam a Artocarpus altilis. Dakal kareng Artocarpus communis, Artocarpus integer (Cempedak), Artocarpus heterophyllus (Jackfruit, Nangka) ampong Artocarpus odoratissimus (Marang) kayabe nala rin ning pamilya na ning Kamansi.

Kening artikulong ayni ipakit miya kekau ing Marang (Artocarpus odoratissimus). Evergreen yang tanaman menibat keng Isla na ning Borneo keng Indonesia. Pero paragulan dala rin kareng lele da reng bansa keng Malaysia, Thailand ampong keng Pilipinas. Balu de inin keng lokal a lenguahe a Atau, Keiran, Loloi, Madang, Marang, Pi-ien, Pingan, Tarap, Terap, ampong Khanun Sampalor. Ing uri ayni ali ya balu keng aliwang bansa keng kilwal da reng mesabing bansa. Keng sagwe sagwe akakit me inin kareng mabalas a gabun keng kagubatab a atiu keng katas a 1000m king babo na ning lebel na ning dagat.

Ing Artocarpus odoratissimus a tanaman daragul yang 25 a metro ing katas; at deng bulong na ibat 16 hanggan 50 cm at 11 hanggang 28 cm ing lapad.

Ing metung tanaman sapat ne keng pamagawang bunga. Deng bunga da reni berde la, medyo pabiilog haba ing hugis da, 16 ing kaba 13 cm ing lapad, ing timbang na mga 1 kilo ing baling metung at kakanan yang luto ampong ali luto. Ing butul na luluto yapa bayu ya kanan.

Ing Kamansi vital yang tanaman kareng tau keng Timog Silangan Asya. Ing laman na ning prutas maputi yak eng kilu, at ing prutas mayumu ya, mabanglu ampong babau yang durian (Durio, the most smelly fruit on the earth).

Ing pinakamainam a paralan para a kalat ya ing Marang Artocarpus odoratissimus keng pamamagitan na ning butul na. ing sagiwang butul na tumubo ya kaybat na ning metung a dumingu. Ing kakayahan ng tumubo ning butul mawala ya kaybat na ning 3 dumingu. Kaya pin deng butul na kailangan mulang ataman keng mabalas, at malanging gabun. Pero kailangan maingat ka kasi deng tanaman a renio agad da lang sisiran deng peste.

Ing Kamansi ali ya daragul keng yelu. Dahil keng kayang penibatan a temperatura kailangan ali ya bababa keng 7 º C. king tropikal a lugal ing Kamansi pwedi yang dagul keng hardin, pero kailangan yang misalikut keng kilub bale o king green house. 

litratu

Prutas na ning Marang Artocarpus odoratissimus na ning Borneo, Indonesia

litratu

Prutas na ning Marang Artocarpus odoratissimus na ning Borneo, Indonesia

litratu

Prutas na ning Marang Artocarpus odoratissimus na ning Borneo, Indonesia

litratu

Detalye na ning prutas na ning Marang artocarpus odoratissimus na ning Borneo, Indonesia

litratu

Detalye na ning prutas na ning Marang artocarpus odoratissimus na ning Borneo, Indonesia

litratu

Detalye na ning prutas na ning Marang artocarpus odoratissimus na ning Borneo, Indonesia

Printed from neznama adresa