Ботаникс – касыксонь эди перень кирдемань колга журналсь

Ботаникс мокшень

Касфттама устрицонь вешенка (Pleurotus ostreatus)

Тяниень пингста устрицоньь вешенка панга (Pleurotus ostreatus) канда панкта сидеста васьфневи. Тяда басшка канда пангть аф тёждя содамс кулофты акшана пангонь эзда.

Пангсь козя витаминца, аминошапамаса ди минералень эрь кодама веттнень эса, конатне лац аралайхть ломанень организмонц пелькс веттнень эзда. Сон нъльне киренди верса колестерол. Пансь ащи пяк кържа эрьгя кирди ярхцамбялькс. Сяс сон кондясти кържа калориень диетти. Стане ина сонь эса, шять, улихть карвоцеда аралама веттне.

Кода касфтомс панкне (Pleurotus ostreatus)

Панкнень касфтоманди тонь улихть 2 кит – синь касфтомс шужярьса полиэтилен кяскавса, эли пенгянь лангса.

Шужярьса, полиэтилен кяскавса касфтомась

Васенцеда анклак шужярсь. Панкнень видемада инголи сонь эряви ётафтомс стерилизациес бактериень, куштафксонь эди иля пангонь видьмоня машфтоманди. Улихть кафта стерилизациеть вариантонза:

  1. путт шужярь оцю кядьгос (казанц, сире лакамас), каяк ведь эди лакафтт 100 oC градусшка температурса 1 ой (час). Меле катт сонь кельмофтема 20–25 oC градусс.
  2. омбоце (сяда тёждя) вариант тя шужярьсь оцю кядьгоняс путомась ди лакама ведьса валондомс, меле кадомс кельмофтема. Каяк ведь кядьгоняста, меле валондомс лакама ведьса одукс. 20–25 oC градусс кельмофтемада меле шужярьсь анок видеманди.

Шужярьса видемась моли тяфта: оцю кяскавс путыхть шужярь, меле пангонь видьмонь мархта мода, меле тага шужярь. Фкя кяскав видьмонь мархта мода саты 15–20 кила начка шужярьс, тянди эрявксты полиэтиленцта кяскав 50×100 сантиметрашка. Кяскав пяшкодемда меле сонь таватт (сюлмак). Оржаса эли пеельса тик кяскавса 3–5 сантиметрашка керсемат, 10-шка керсемат 1 кяскавс. Касфтандярят панкне кържа кожфонь летькоса, тик сяда кържа керсемат (меле улихть кода тиемс лама керсемат). Видемада меле путт кяскафне пялес эшксс (аф шинь сюрелдонзон ала). Сембода пара панкненди псилмась 15–25 oC. Ков сяда касы псись, тов сяда курок касыхть панкне (ди сяда курок юмсихть асу веттне шужярьста). Тянь сюнеда эряви ваномс псить мельганза, тя лангс ваномок мъзяра панкта тондейхть эрявихть. Касондяряйхть вельф лама панкта, путт синь тяда кельме вастс. Касондяряйхть пяк кържа панкта, путт синь тяда лямбе вастс. Вешенкась кенери 3–4 ковс, меле асу веттне кяскавста туйхть эди эрявксты од панкне видема (тянь ули кода тиемс сире шужярьсь од шужярьс видемда). Фкя пангонь видьме кяскавста улихть кода касфтомс 2–4 кила панкт.

Пенгянь лангса касфтомась

Вирьса панкне касыхть лопав шуфтоксонь лангса. Сяс синь касфтовихть 30–80 сантиметрашка пенгянь лангса. Кондястихть пенгятне тифт сембе лопав шуфтста (аф салмоксу шуфтста!). Шуфтокссь эряви ванфтомс аф фкя кизода лама. Улихть лама промозда кода видемс пенгянь лангса. Сембода эряви пагонь мархта мода кармаль касома шуфтоксс. Пенгса пялеть варянят эли тик керсемат пиласа, тоза тонк пангонь мархта мода. Меле пенгятне путт кяскавс эди тоса синь киртть 2–3ковс пангонь сейхть касомас кярьмодеманди. Лисьфкст мархта пенгят катт перень эшксс 1/3 пялес модас. Коське пингста синь пъркштак ведьса. Пянгяста улихть кода кочкамс панкт 2–5 киза (тя ащи шуфтоксонь асуда).

Вешенка пангонь видьме мархта мода мишендемась



««« Сядынгольдень сёрматфкссь: Пиче Pinus kesiya Сай сёрматфкссь: Манготь сортонза Индонезиеса »»»

Видеши 6.9.2010 11:17 | принтерс кучема | Пангт

КПР клупть колга

Logo of KPR - Gardeners Club Slovakia
КПР – Касыкснень кирдихнень клубсь ащи ломаньётконь перень кирдихнень пуромксокс. Морафтомс сяда тов
Азонтт тонь касыкснень касфтомань- перень кирдемань содамошицень. Тяштть сёрматфкс тянь колга эди нолдак сонь Ботаникс журналса тонь шачема кяльсот! Сотнек мартонк лама ниформацие кундаманкса.