Ботаникс – касыксонь эди перень кирдемань колга журналсь

Ботаникс мокшень

Пиче Pinus kesiya

Пичесь Pinus kesiya тя вишкста касы азиень пичетнень эзда фкясь, сонь шуроста касфневихть иля масторса. Сон касонды 30–35 метрашка серес, пондонц диаметроц уленди 1 метра. Тя колма-салмоксонь пичесь (эрь пусмоста касондыхть 3 салмокс 15–20 сантиметрашка кувака). Пичемаренза 5–9 сантиметрашка оцю, видьмонзон кувалмоц 1,5–2,5 сантиметра.

Сон касонды Шистяма Гималайса Кельме-Шистямаширень Индиеса (тяниень пингста аньцек Хаси ди Нага пандоналга, Мегхалая ди Манипур статса вирь кирьфтамань сюнеда), Китайса (Юньнань аймакса), Бирмаса (Мьянма), Кельмеширень Тайландса, Лаосса, Вьетнамса (Лайтяу, Лангшон, Каобанг, Куангнинь) Филипинц (Лусон цёнга) сявомок. Шуроста филипинонь пичеть сёрмадыхть Pinus insularis. Китайса касонды пяк малады сортсь – юньнанень пиче (Pinus yunnanensis).

Сон касы панда улава, шоворьф вирьга, пяк осал шапама (pH 4,5) ястерь эли тюжя кулуфтома модава, 800–2000 метра морять лангста вяри, сидеста 1200–1400 метра морять лангста вяри. Климатсь субкумокань, мусононь – полафнихть коське ди начка пинге. Вярденьбрайхть пяк козя, кожфонь летькоц аф 70%-та кържа.

Сон кирди аф пяк вии якшапт, интай переса аф судерды мекольце якшапнень меле. Теенза эряви “кяшендема“ васта, кепотьксонди лямбеширень панда уласа ди куд кода вармада ваксар кельмеширеса. Пяк якшама пингста сонь пароль кандомс кудс эли верокскудс 0 °C псис. Лямбеширень Явропса сонь ули кода кирдемс ушеса кизоньберьф.

Англань лемоц: Khasi Pine

Синонипт: Pinus khasya, Pinus khasyanus

««« Сядынгольдень сёрматфкссь: Вятемовал кода видемс унжань сиви касыкст Сай сёрматфкссь: Касфттама устрицонь вешенка (Pleurotus ostreatus) »»»

Видеши 6.9.2010 11:15 | принтерс кучема | Экзотиконь касыксне

КПР клупть колга

Logo of KPR - Gardeners Club Slovakia
КПР – Касыкснень кирдихнень клубсь ащи ломаньётконь перень кирдихнень пуромксокс. Морафтомс сяда тов
Азонтт тонь касыкснень касфтомань- перень кирдемань содамошицень. Тяштть сёрматфкс тянь колга эди нолдак сонь Ботаникс журналса тонь шачема кяльсот! Сотнек мартонк лама ниформацие кундаманкса.