Ботаникс – касыксонь эди перень кирдемань колга журналсь

Ботаникс мокшень

Кшинь шуфта Artocarpus odoratissimus

Кшинь шуфта юрс (Artocarpus) сувсихть 60-шка ялапиже кумокань шуфттнень сортсна тутоннетнень тъналста (Moraceae), конатне састь Пялешинь-Шиястяма Азиеста ди Сетьме оцюведень цёнгаста. Сон мала фигонь шуфтти (инжир) (Ficus). Сембода содаф и сидеста касфтовикс ащи кшинь шуфта (Artocarpus altilis). Тяка юрс сувсихть мъзярошка иля сортт, конат ащихть иможень кофксокс эди шуфтокс, кепотьксонди: артокарпус (Artocarpus communis), идем чемпедак (Artocarpus integer), джакфрут (Artocarpus heterophyllus) эди маранг эли тарап (Artocarpus odoratissimus).

Тя сёрматфксса минь ёфтсаськ пяк сидеста васьфневи сорт колга – Artocarpus odoratissimus, конась сась Борнео цёнгаста (Индонезие), интай сонь касфтсазь стане ина шабра масторга (Малайзиеса, Таиландса, Филепиттнеь эса). Эсь шачем масторса тейнза мярьгихть: Атау, Кейран, Лолой, Маданг, Маранг, Пи-иен, Пинган, Тарап, Терап, Ханун сампалор (Atau, Keiran, Loloi, Madang, Marang, Pi-ien, Pingan, Tarap, Terap, khanun sampalor). Интай тя аймакть ушеса сон ёфси аф содаф. Вирьса сон касы шуварналга, иневедьжирень ичкозе, иневедьта вяре 1000 метрас сявомс.

Сон касы 25 метрашка серес, лопанза 16–50 сантиметрашка ди 11–28 сантиметрашка келесна. Фкякудонь касыкс, иможнень явоманди эряви аньцек фкя касыкс. Ал лаца иможт пижет, 16 сантиметрашка кувалмосна, 13 сантиметрашка келесна. 1 килошка стака. Иможда ярхцайхть ишекс эли пидефокс. Видьмотне эрявихть пидема ярхцамада инголе. Кшинь шуфттне пяк эрявикст Пялешинь-Шистямань Азиень эряензонды. Иможть кучкац лов лаца акша, пяк ламбама, ведю, танцти шини, ёлаж таньф мархта, шары дурианц (Durio, сембода шини иможт масторлангса), интай сонь аш кальдяв шинец.

Кшинь шуфта Artocarpus odoratissimus раштай видьмоса. Од видьмосна лисихть пяк курок эди касоманди эряви аньцек фкя тарга. Борнео цёнгаса видьмотнень лисема варжаманьберьф содазь: пърдафксса 3 таргода меле сембе видьмотне арайхть аф кондястикс видеманди, сяс мес синь юмайхть лисевомаснон. Сяс видьмотне эрявихть видемс эстокиге, сяда пара шувару, ведень шокши модас. Вегетациень раштамась (керфкст, иля касыкс поладомась) аф пяк ярашты. Сярятькста эли сукста кшинь шуфта пъцтай ёфси аф пели.

Мъзярс сонь кумокань шачема вастстонь сонць якшамада пели сортсь. Псилма тейнза эряви аф 7 °C-да кържа. Сяс минь климатсонк сонь ули кода касфтомс кудса эли вероксса.


««« Сядынгольдень сёрматфкссь: Китаень чай кофкс – касфтт эсь чайсь! Сай сёрматфкссь: Минь касфтсаськ авокадо »»»

Видеши 2.8.2010 17:45 | принтерс кучема | Экзотиконь касыксне

КПР клупть колга

Logo of KPR - Gardeners Club Slovakia
КПР – Касыкснень кирдихнень клубсь ащи ломаньётконь перень кирдихнень пуромксокс. Морафтомс сяда тов
Азонтт тонь касыкснень касфтомань- перень кирдемань содамошицень. Тяштть сёрматфкс тянь колга эди нолдак сонь Ботаникс журналса тонь шачема кяльсот! Сотнек мартонк лама ниформацие кундаманкса.