Ботаникс – касыксонь эди перень кирдемань колга журналсь

Ботаникс мокшень

Пальма Parajubaea torallyi

Parajubaea torallyi сембода мазы ди таза Лямбеширень Америконь пальматнень эзда фкясь. Тон ашеть куле? Аф дивандафты тевсь. Видьмонза пяк шуроста ускихть Явропу сяс мес синь пяк оцю (ускомась пяк питни). Сонь ули кода няемс аньцек Боливиеса.

Сон васьфтеви аньцек коське боливиень Андонь лашмава 2700–3400 метра моря ланкта вяре, сяс сон сембода вяре вастова касы пальмась масторлангса. Тоса шуроста 20-та oC лама, веста сидеста якшама. Тялонь пингста (тоса июльковста, августковста) сидеста –7 oC. Кизонь вярденьбрайхть 550 мм, тя сембода коське вастт, тя сембода коське Моравиень вастта коське. Пандонь ушеть сюнеда тя пяк якшама кирди субкумокань палматнень эзда фкясь, сяс сонь ули кода касфтомс ушеса Модакучкастонь масторга кизоньберьф. Инь климатсонк сонь пароль кандомс куду, коса сон тёждяста кирди 0 o -шка C. Якшам кирдемшкац Явропаса – 3 o-шка C. Ине ала температур сон кирдсь ушеса ульсь –8 oC. Интай пальмась юмась сембе лопанза, тялонда од лопанза кассть.

Боливиеса сон касы 14 метрашка серес, понда 25–35 сантиметрашка диаметра коре. Сядокизонь пальматнень пондасна 30 метрашка сери, понда диаметра 50 сантиметрашка. Мазы пряц ащи 20-шка лопаста 5 метрашка кувалма. Аф шачем модаса сон аф пяк оцю.

Вирьса-панданалса сонь 2 башка полганза, синь аф фкат видьмонь коре. Parajubaea torallyi – сонь видьмонза 7 сантиметрашка оцю, Parajubaea torallyi (microcarpa) колмонь кърда сяда ёмла. Ванф коре синь пцтай фкат, интай панданалса ёмла сорт аф пяк сери сонь оцю видьмонь сортонц коряс.

Боливиеса Parajubaea torallyi пяк кельгихть эди озафнихть ошперева ди курнява. Эквадорса ди Лямбеширень Колумбиень ошева 2500–3000 метрашка моря лангта вяресинь касфнихтьParajubaea cocoides, конась аф пяк якшама кирди ди касонды аф пяк курок. Тянь лангс ваномок сон малады Parajubaea torallyi пальманди ди тянь лангс мес сонь киндиге аф содаф, улема, тя Parajubaea torallyi васу мольф сортоц.

1996 кизоня Parajubaea sunkha колга сёрмадсть: сон ине ёмлась ня пальматнеь юрста. Сонь серец аф 8 метрашка оцю, сон касы мъзярошка Андонь лашмава Валлегранде аймакса, Боливиень Санта-Крус районца 1700–2200 метра моря лангта вяре. Таксономие коряс ванондома инголе теенза эльбядезь мярьгсть Parajubaea torallyi.

Parajubaea пальма видьмоста аф стака касфтомс, интай эряви кирдемшкась. Панданалса видьмонза лисихть аф эстокиге, сидеста теест эрявихть 1,5-шка киза. Мъзярошка видьмонза кудса эли переса лисихть ковда меле илятненди эрявкстыхть пялк киза эли кафтошка киза. Субкумокань сортонди псилма ёфси аф эряви, псить сюнеда теенза, улема, лисемс сяда стакаста.

Видьмонь озафтомада инголе синь эрявихть кирдемс лямбе ведьса 5–7 ши, оцю видьмонь сортонь видьмонза нъльне 2-шка тарга. Полафтт ведь эрь шиня, ведсь теест эряви ару. Видьмотне (васенцеда оцю видьмонь сортсь) улихть кода аф ламне шовсемс. Ведсь тя пингста пови видьмос эди сонь стяфты (таргсы сонь ваймамаста, конась аралай видьмоть коське пингста лисемада, коськома пингсь Боливиеса сай тялонда, июньковста октябрьковс), тяда меле видьмось кармай лисема. Сяда тов ведьса видьмотне кирдемс аф эрявихть. Тят юкста, тя сембе азонтф субкумокань сортть колга, конась касы коське вастова, лама ведь теенза аф пара. Ведьса кирдемада меле озафтт видьмотне сяканява эли пластиконь кяскавнява пялес модаса, пялес ушеса, псилма эряви 10–20 oC (сембода пара мъзярда шинь эди вень температурхне пяк аф фкат). Сяда ала температурсь ди сяда коське мода тя сортти сембода парот иля пальмань коряс.

Ватт озафтф видьмотнень мельге вестьке 3–4 таргас, лисьф видьмотне озафнек иля сяконява. Содай перень кирдихне лоткайхть видьмонь валомост мъзярда видьмот ашесть лисе кизода меле. Синь кадыхть мода коськома кафтошка ков. Меле синь кочкайхть видьмотне, синь кирьдихть ведьса фкя тарга, меле озафтомост. Пяле кизода меле пцтай сембе видьмотне лисихть. Кизода меле апак листь видьмотне кирдихть кафтошка ков коське вастса (Боливиень коське пингонь колга мяляфтомат) ди омбоце ведьса кирдемада меле сембе видьмотне лисихть.

Тя пальмань видьмонзон лисевомась пцтай 100% фти, аньцек эряви содамс кода эряви касфтомост, ди кирдемс синь мъзярошка кофт «тиф коське пингса».

Мъзярда тонь ули лисьф видьме, пяк тёждяста сонь касфтомонза, аньцек тят валонда сонь лама ди сидеста. Од пальматнень кельгихть эшкс (панданалса синь касыхть синнеда сире шуфттнень эшксост), ва кенерьф пальматненди эряви валда.

Parajubaea юрось сембода шуроста васьфневи Лямбеширень Америконь пальматнень эзда фкясь. Туфталхне: биотопонь машфтомась, сокама-видемань васттнень келептемась, вирьхнень керомась ди лама уртонь панемась. Синь васьфневихть пяк шуронь вастова, тянь сюнеда синь кулофнихть сяда курок. Оцю видьмоснон эзда синь эряма вастснон келептемасна аф тёждя, синь видьмоснон каннись америконь офта (Tremarctos ornatus), конась стане ина тяни марнек юмамада араламань лувомаса.

««« Сядынгольдень сёрматфкссь: Шурьхкянянь эди касыксонь озафтома Сай сёрматфкссь: Колорадонь буканясь NOVODOR FC каршес »»»

Видеши 6.9.2010 13:04 | принтерс кучема | Пальмот

КПР клупть колга

Logo of KPR - Gardeners Club Slovakia
КПР – Касыкснень кирдихнень клубсь ащи ломаньётконь перень кирдихнень пуромксокс. Морафтомс сяда тов
Азонтт тонь касыкснень касфтомань- перень кирдемань содамошицень. Тяштть сёрматфкс тянь колга эди нолдак сонь Ботаникс журналса тонь шачема кяльсот! Сотнек мартонк лама ниформацие кундаманкса.