Ботаникс – касыксонь эди перень кирдемань колга журналсь

Ботаникс мокшень

Шурьхкянянь эди касыксонь озафтома

Рамаф касыксне (керфкст), конатне тондейть почтова вельде кучфольхть, ашкоркс каясемда меле путт эшксс, 2–3-шка шис. Тондейть тага улихть кода синь эстокиге озафтомс, меле синь мезьса-мезьса тавадомс катошка шис дней (кагодса, лазса) синь виде шинь сюрелда араламанди. Илякс синь арайхть пужевикс, кастявикс виде шивалда сюнеда.

Вероксста касыкснень озафтома

Карак варяня касыксонь серец коре. Сяфть касыксть сяканяста (целофан кяскава ашкотф касыкст – кяскавста) ди путт сонь варяняв видептьф юронзон алу. Каяк варяняв аф ламня ведьта, ведьсь модас тума меле каяк модаса. Тик тяфтовок иля касыксонь озафтомост. Аноклаф панде озафтомда меле, каяк од касыкст ведьса. Васень мъзярошка шис тят юкста касыкснень ведьса валома, пси шинь пингста, коське пингста тик теест эшкс. Васень 1–3 таргас касыкссь юрыяй, меле эряви ваномс мельганза кода иля касыксонь мельге.

Шурьхкянянь эди марьнянь озафтома

Васенда шуфтт ся васта, коса мяльце шурьхкянянь эди марьнянь озафтома (меле теест мярьгтяма «шурьхкянят»). Озафтома инголе сяфть таргак шурьхкянят кагод кяскавста. Шуфтт пара кърхка варяня (ватт таблицаса) ди путт тоса шурьхъкяня лисьфоц вяри. Мъзярошка сорттнень аф лац озафтф шурьхкянят кулыхть. Меле каяк шурьхкяня модаса ди матрак модась аф ламне. Коське пингста озафтомда меле эряви модась ведьса валомс. Кепотькс: кизонь кучкаста тюльпанонь озафтомда (тондейть аш коса синь кирдемс эли тон сърхкать ардомс ваймама) пароль синь аф валомс. Шурьхкянят кармайхть ваймама ди кярьмодихть касомас васень сёксень пиземда меле.

Сяда шовине шурьхкянятне, стака модаса касфтф шурьхкянятне озафтт аф пяк кърхкаста. Пара озафтома кърхкалмась тя шурьхкянянь лисьфстонза ёткась!

Шурьхкянятнень эрявихть модаста таргамс лангонь почксна-лопасна пужемда меле (тяфта эряви тиемс сембе шурьхкянятне мархта гладиолуста башка) – улема лямбе ди коське кизонь ушетксса, стане ина сяда инголе майговста. Лама сорттнень шурьхкянясна модаста таргамда меле улихть кода кирдемс коське вастса сёксес (кепотьксонди пенгие (чеснок), шафран, тюльпатт). Иля сортт, кепотьксоньди лилият, Muscari, Ornithogalum umbellatum ди Polygonatum аф эрявихть кирдемс коське вастса, тяфта ули кода синь кулофтомс. Сорттне, конатнень шурьхкянясна аф эрявихть коськфтамс пара озафтомс модаста модас кувака ванфтомафтома (фкя тарга коське вастса теест кирдевихть, интай улема синь аф кирдевихть таргада лама).

Сорт Озафтома пинге озафтома кърхкалма сантиметраса
Аф оцю пенгие шурьхкянят мрхта 2 сантиметрашка оцю – кепотьксоньди: Allium carinatum, flavum, molly, oleraceum, scorodoprasum 7.-10. 5–8
Оцю пенгие шурьхкянят мархта 10 сантиметрашка оцю – кепотьксоньди: Allium giganteum, karataviense, nigrum 7.-10. 10–15
Colchicum 8. 15
Crocus – крокус, тундань пингста панжи сорттне (Crocus chrysanthus, Crocus vernus) 10. 9
Crocus – крокус, сёксенда панжи сорттне (Crocus sativus) (7.-)8. 9
Gladiolus – гладиолус (пернь сорттне) 4.-5. 10 (ёмлат 5)
Gladiolus – гладиолус (экзотиконь ботаниконь сорттне) 9. 5–8
Lilium candidum – Акша лилия 8. 3
Lilium – Лилия, иля сортт 9.(-10.) 5–15 сорт коре
Muscari 7.-10. 8–10
Narcissus – норзякс (нарцисс) 8. 10
Ornithogalum umbellatum 7.-10. 10
Polygonatum 8.-10., 2.-3. 10
Аф оцю тюльпатт аф оцю шурьхкянят мархта, кепотьксонди: Tulipa chrysantha, tarda, saxatilis, turkestanica, urumiensis 10. 10
Оцю тюльпатт – Грейгонь тюльпан (Tulipa gregii), Фостеронь тюльпан (Tulipa fosteriana), Кауфманонь тюльпан (Tulipa kaufmanniana) эди перень гибритт 10. 12–14

Лилия шурьхкянянь лочста касфтома

фото

Лилия шурьхкянянь лочста касфтома кепотькс

Пяк тёждяста лилият касфтомс шурьхкянянь лочста.

Шурьхкянянь лочт пара озафтомс аф оцю парагас (нармонь андома вастоня лаца) 1–2 сантиметрашка кърхка (=мъзяра мода лочнень лангса) ди киртть синь тоса, коса шинь лямбоши 25–30 °C, вень лямбоши 22-шка °C (веста сон улема прай сяда ала, сембода эрявикс шинь лямбоши) (кепотьксоньди: верокскуд, верокс, кудонь вальмаланга). Модась эряви кирдемс коськана. Тяфта тиемда меле лочень ала курок эвондайхть од шурьхкянят. Фкя лочста 1–3 ковс касовихть 2–3 шурьхкянят 1 саннтиметрашака оцю. Июльковонь песа кочкаф эди озафтф лочне, сентябрьковонь васенце пялеса улихть кода кочкамс эди пандес озафтомс 2-шка сантиметра кьрхка. Озафтт тифтень-тифтень лоч шурьхкяня мархта 4 сантиметрашка ёткова. 4–6 кизода меле пандеса тонь улихть цебярь шурьхкянят, конат панжевихть.

Шурьхкянянь видьмонь видема

Мъзярошка шурьхкяняфнень сорттне улихть кода вишкста ди ламонь касфтомс видьмоста. Видьмотне эрявихть видемс марковста-апрельковста пандес эли аноклаф сяконява 0,5–1 сантиметрашка кърхка. Васенце кизоня синь тят озафне, киртть сяка вастса. Мъзярошка сорттне, улема, панжихть сай кизоня. Лама сорттне панжихть 2–5 киза озафтомада меле. Нама, сембода ёмла панчфу сорттне панжихть оцю панчфуфнень сяда курок.

««« Сядынгольдень сёрматфкссь: Касфттама пепино Сай сёрматфкссь: Пальма Parajubaea torallyi »»»

Видеши 6.9.2010 11:56 | принтерс кучема | Касфтомань вятемовалхт

КПР клупть колга

Logo of KPR - Gardeners Club Slovakia
КПР – Касыкснень кирдихнень клубсь ащи ломаньётконь перень кирдихнень пуромксокс. Морафтомс сяда тов
Азонтт тонь касыкснень касфтомань- перень кирдемань содамошицень. Тяштть сёрматфкс тянь колга эди нолдак сонь Ботаникс журналса тонь шачема кяльсот! Сотнек мартонк лама ниформацие кундаманкса.