Ботаникс – касыксонь эди перень кирдемань колга журналсь

Ботаникс мокшень

Табаконь шуфта (Nicotiana glauca) – пара балкононь касыкссь

фото

Табаконь шуфта эли пижезе табак

Ломанень мяльсь мушендомс мезеге од, апак тонатфт, аф содаф фалу сяськи. Эрь перень кирди ёрай касфтомс перезонза мезевок апак няйхть, мезень киньге аш… Сяс панчфонь вачарса эрь кизоня лама од сорттне, фалу мушенды мезеге од перень кирдиеть “потмонц шяемац потафтоманди“. Интай мишендема вельде од сафне курок арайхть «эрьшинь ассортиментокс».

фото

Табаконь шуфта эли пижезе табак

Сембода лама од панчфне мекольце кемонь кизоса ня пурьгоксонь тъналста касыксне (Solanaceae). Сембода содаф ётксост петуния, сурфиния, мильон белз (million bells). Мес синь арасть содафксокс? Синь курок касыхть, синь васень панжихнень эзда васенцетне (3 ковда кържа видьмоста касфтомда, керфксса озафнемада сиь панжихть эстокиге), синь тага касыхть эрь кодама вастса-модаса. Нама, тейст сяда парот шивалда валф васттне, интай синь пара касыхть лафча валдса, эшксса.

Интай минь ширесонк пурьгоксоннетне аф фалу ульсть содафксокс. Кепотьксонди модамарь, зирнямарь, конатнень васенда касфтыхть мазопнеманди. Васень куля мельге кле синь тага ярхцамбяльс кондястихть, ломатть кармасть мувор вешендемга лангост ваномс. Интай синь кармасть тяфта сидеста васьфневихть, мес сявозь тонатф имошнень вастснон эди арасть цебярь ярхцамбялькс.

фото

Тя номерса минь корхтатама пижезень табакть (Nicotiana glauca) колга. Тя аф тонатф балкононди кондясти касыкссь Лямбеширень Америкста. Минь климатсонк тя вишкста касонды кофкссь, нъльне шуфтонясь. Видьмоста касфтф сон панжи 2 ковс ни. Кенерьф касыксонь тараткянза касыхть 50–70 сантиметрашка ковс. Сонь лемоц коре шарьхкодеви: марнек касыкссь сия вайса валф. Сянкса сонь пара стакащемда аф токсемс, кядьса токсемада меле сонь сиянц нардакшневи ди сон арай аф мазыкс, валда пижекс. Сонь сиянь тюсса ал лаца лопанзон оржа пенза. Тараткянзон пезонза панжихть 20–40 тюжя кярьгонят лаца панчф пусмот. Синь кувалмосна 3–3,5 см ди келесна 0,5 см. Васень панжема пингста синь валда-тюжя валда-пиже кайма мархта, панжемада меле синь арайхть тобда-тюжякс. Тя сортть асувоц синь пачфсна, конатне ванфтовихть мазыкс панжемада меле. Кепотьксонди петуниять ваксс путомда табакть панчфнесна ванфневихть сяка формса панжемада меле ди кирдевихть касыксса пяк ламос.

Синь касфтомась пяк тёждя. Табаксь касфтови кудса балконца кизоньберьф, кизонда ули кода сонь путомс панжада вальма лангс эли перес. Сонь ули кода озафнемс курок лисенди видьмоса. Тонь улихть панжи касыксне 2 кова меле (сяс улендярят мяльце сонь балконц путомс 15 майговста, видепть видьмотне марковонь кучкаста). Касыкне маштыхть тялондомс кудонь лямбоса эли сяда кельме вастсса, кода герань (интай валдса валф вастса). Тялондома песта керсек тараткятнень кафтоньгърда ди валонтт сидеста. Тялондомада меле, фкя ковс сон кармай панжема. Тя сортста тёждяста тиеви кудботмонь шуфтоня. Сон аф раштави керфксса, сяс мес синь стакаста юрыяйхть (тя аф прябалась, табаксь тёждяста касфтови видьмоняста). Аф веши паронзама. Козя панжеманди ули код сонь паранзамс балкононь панчфти паранзамаса фосфор мархта.

««« Сядынгольдень сёрматфкссь: Дивандафты вельвичия (Welwitschia mirabilis) – касфтт эряй кевонзафкссь Сай сёрматфкссь: Индиень бук Pongamia pinnata »»»

Видеши 6.9.2010 00:39 | принтерс кучема | Экзотиконь касыксне

КПР клупть колга

Logo of KPR - Gardeners Club Slovakia
КПР – Касыкснень кирдихнень клубсь ащи ломаньётконь перень кирдихнень пуромксокс. Морафтомс сяда тов
Азонтт тонь касыкснень касфтомань- перень кирдемань содамошицень. Тяштть сёрматфкс тянь колга эди нолдак сонь Ботаникс журналса тонь шачема кяльсот! Сотнек мартонк лама ниформацие кундаманкса.