Botanix – bag'banshılıq ha'm o'simlikler haqqındag'ı jurnal

qaraqalpaq versiyası

Hind lotosı (Nelumbo nucifera)

su'wret

Hind lotosı

Lotostın' gu'li Hind lotosı (Nelumbo nucifera) – bul a'ja'yıp suw o'simligi bolıp ıg'al bolmaytug'ın jasıl ku'l ren'li japıraqları ha'm qızg'ılt gu'lleri bar. Buddistler olardı diniy ma'resimler ushın paydalanadı. O'simlikti barlıq bo'limin jewge boladı (birinshi na'wbette awqatqa tuqımları ha'm jer g'ozaları isletiledi), ol Qubla-shıg'ıs aziyanın' ha'r qıylı awqatların tayarlaw ushın isletiledi. Bul batqaqlı o'simlik bolıp, suw liliyasın o'sirgendey qılıp o'stirse boladı. Bizde lotostı o'stiriw qıyın emes, tek g'ana onı biliw kerek.

„Egiw“den aldın tuqımlardı azg'ana najdak penen islew beriw kerek, sebebi olardın' joqarg'ı bo'limi ulıwma suw o'tkizbeytug'ın na'rseler menen sin'dirilgen. Eger olarg'a suw jetip barmasa tuqımlar ulıwma shıqpaydı.

Najdak penen islew berilmegen tuqım o'nimdarlıg'ın mın' jıl saqlap qalıwg'a boladı, eger siz najdak penen islew bermesten olardı ibitip qoysan'ız o'nip shıg'ıwg'a deyin siz 1–2 jıl ku'tip turıwın'ız kerek boladı.

su'wret

Lotostın' o'nip shıg'atug'ın tuqımları

Najdak penen jeterlikshe islew berilgenligin qalay bilsek boladı? Jeterlikshe islew berilgen tuqım 24 saat ishinde o'z o'lshemin eki ma'retebe u'lkeytedi. Eger bul ju'z bermese, tuqımdı najdak penen ja'ne azg'ana islew berin'. Ha'm ja'ne eger 24 saat ishinde o'z o'lshemin u'lkeytpese, islew beriwde dawam etin'.

Olarg'a tek g'ana suw za'ru'r…

Najdak penen islew bergennen son' tuqımlardı suw salıng'an ıdısqa jaylastırın' 20 °C temperaturada da tuqımlar 24 saat ishinde o'z formasın eki ese o'zgertedi. Baslanıwına 27–28 °C temperatura qolaylı. Usı temperaturada o'siw tez ju'z beredi, bir ha'pteden keyin siz o'simlikke japıraqları menen iye bolasız. Foto hu'jjetlerdi qaran' http://www.victoria-adventure.org/…om_seed.html

Birinshi japıraqları o'sip shıqqanna keyin o'simlikti batqaqlı substartqa egiw kerek, yamasa mayda taslı shege(akvariumda isletiledi) ha'm barlıq o'simliklerdi rezervuarga (akvarium, ha'wizshe) 30 sm den kem bolmag'an suw ishine jaylastırın'. Eger substart sıpatında siz akvariumlı mayda taslı shege isletsen'iz, siz lotostı akvariumda balıqlar menen o'stiriwin'iz mu'mkin. A'ste-sekin o'simliktin' o'siwi menen ken'irek jer kerek boladı. Siz onı muzlap qalmaytug'ın jerde qısqı bag'dın' ha'wizshesinde, ıssı xanalarda ha'm usıg'an uqsas jerlerde o'stiriwin'iz mu'mkin. O'stiriw ushın 20–35°C temperatura jeterli boladı, watanlaslarımız o'tkizgen amplitudanın' pa's temperaturag'a maslasıwıg'a ma'jbu'r, lekin lotosqa bul hesh te kesentlik etpeydi. Jazda lotostı ko'shedegi ha'wizge shıqarıwın'ız mu'mkin, bira'q qısta onı ishkerige kerek bolg'anda suw liliyasına uqsap ıg'allı podvalg'a kirgiziwin'iz mu'mkin. O'stiriw ushın en' maqıl sheshim qurılıs qarıspaları ushın vannalarda (bular 60–80 litrli boladı ha'm 10 evro a'tirapında satıladı). O'simlikti substart penen (batqaqlı yamasa akvariumlı mayda taslı shegelerge) vannag'a qoyın'. Qashan onı suw menen toltırsan'ız, lotos ushın ju'da' qolaylı sha'ra'yıt jaratqan bolasız. Bul vannanın' qolay ta'repi sonda, bunı qısqı bag' yamasa xanag'a, ayna aldında (jaqsısı balkonlı ayna aldında), o'simlik xananın' en' quyashlı ıssı jerde turıwı kerek. Jazda vannanı qubla balkong'a yamasa bag'qa shıg'arıwın'ız mu'mkin. Sonday etip lotostı panelli u'yde de o'stiriwin'iz mu'mkin!

««« Aldın'g'ı maqala: Cherimoya (Annona cherimola) Keyingi maqala: Suwıqqa shıdamlı palma (jabayı palma) Rhapidophyllum hystrix »»»

Shembi 3.10.2009 08:34 | baspa | Batpaq ha'm suw o'simlikleri

KPR klubı haqqında

KPR – O'simlik o'siriwshileri klubı Slovakiya
KPR – O'simlik o'siriwshiler klubı halıq-aralıq bag'banlar sho'lkemi bolıp esaplanadı. Tolıq oqıw...
O'simliklerdi o'siriw ha'm egiw ta'jriybelerin'iz benen bo'lisin'. Bul haqqında o'zin'izdin' ana tilin'izde maqala jazın' ha'm onı Botanix jurnalında jarıqqa shıg'arın'! Bunnan da ko'birek mag'lıwmat ushın biz benen baylanısın'.