Botanix - پودیاں تے باغبانی دے متعلق ہک رسالہ

Botanix ہندکو

انڈین کنول (Nelumbo nucifera)

تصویر

انڈین کنول دا پھل

انڈین کنول (Nelumbo nucifera) ہک خوبصورت پانڑی چ رینڑے والا تے سبز پتےآں والا پھل ے جہیڑا کہ پانڑی دی اتلی سطح تہ تیر داے۔ گلابی رنگ دا پھل عموما" موٹے تے سخت تنے تہ پانڑی سی کج سیٹی میٹراتے اگداے۔

انڈین کنول دا پھل بوت مقدس سمجھا جانداے تے بدھ مت مذہب ایہہ پھل آنپڑے مذہبی تہواراں تہ استعمال کردے ائے۔ پورا پودا انساں دے استعمال وسطے اچھا ے؛لیکن بیج تہ جڑاں(پیں)عموما" پورے جنوب مشرقی ایشیاء چ کھانڑے پکانڑیں چ استعمال کیتے جاندین۔ انڈین کنول water lily دی طرح پانڑی چ اگداے۔ اس پودے نوں ساڈے جئے حالات چ اکانڑا مشکل نینگا؛ صرف طریقہ پتا ہونڑا چائداے۔

انڈین کنول نوں بیج سی اگانڑے وسطے، باہر دے سخت چھلکے نوں پہلے ریگ مال دے نال رگڑنا ہوسی۔ ایہہ طریقہ بیج نوں پانڑی چوسنڑیں چ مدد دیسی جدو کہ بیج پھٹ دا ے۔ اگر سخت چھلکا ہوسی، تہ وت بیج صدیاں تک اینجئ رہ سی۔ تا ہم، اگر پانڑی چ رکھا جاوے،ایہہ کج سال لے سی اگنڑیں وسطے۔

تصویر ***انڈین کنول دے بیج دا اگڑاں

توانوں ایہہ کس طرح پتا چل سی کہ بیج دے سخت چھلکے نوں کتنا رگڑنا ے؟

ایہہ توانوں اس طرح بھی پتا لگ سکدا ے کہ تسی بیج نوں ہک دفعہ پانڑی چ رکھو، اگر بیج24 کہینٹیاں چ آنپڑے اصلی ناپ سی دگنا وڈا ہو جاوے، تہ اور رگڑنے دی ضرورت نینگی۔ اگر نی ہویا تہ توانے بیج نوں اور بھی رگڑنے دی ضرورت ے، وت بیج نوں دوبارہ اگلے 24 کہینٹیاں وسطے پانڑی چ رکھو، وت اس دا ناپ دیکھو۔ ایہہ عمل اس وخت تک دہراندے روو جدوتک بیج اصلی ناپ سی دگنا وڈا نہ ہو جاوے۔

بیج نوں صرف پانڑی دی ضرورت ہوندی ے۔۔۔

ہک دفعہ رگڑنے دا عمل کامیابی نال پورا ہو جاوے، بیج نوں سوکنڑیں وسطے پانڑی دے وڈے پانڈے چ پا دو۔ بیج دے اگنڑیں دے شروع دے عمل وخت پانڑی دا صحیح درجہ حرارت 270 سی 280 سینٹی گریڈ اچھا ے(اتھو تک کہ بیج آپنوں وڈا کرسی 200 سینٹی گریڈ درجہ حرارت چ)۔ اس درجہ حرارت چ بیج جلدی ودھ سی تے ہک ہفتے چ پھٹ سی۔ تصویر دیکھو http://www.victoria-adventure.org/…om_seed.html. تہ۔

جوں ہی پہلا پتہ نکل داے، پودے دا بیج یا تے چیکڑ چ یا پانڈے چ پانڑی دی تہہ چ نکل داے (پانڑی، تالاب)۔ پانڈے چ پانڑی دی مقدار چیکڑ دی اتلی تہہ سی کم سی کم 30 سیٹی میٹر ذیادہ ہونڑی چائدی ے۔ اگرپانڑی ہی استعمال کیتا جاوے، انڈین کنول مچھلی دے تالاب چ بوت آسان اگدا ے۔

آہستہ آہستہ، پودا جوں جوں ودھ سی، اس نوں ذیادہ جگہ دی ضرورت ہوسی۔ تسی اس نوں سردیاں چ تالاب چ بھی اگا سکدے او،پودیاں دی نرسری ، یا کسی اور ایہجئ جگہ تہ جدھر درجہ حرارت کہٹ نی ہووے۔ انڈین کنول نوں اگانڑے دا مناسب درجہ حرارت °20 سی °35 سینٹی گریڈ اے۔

ساڈے موسمی حالات چ ، کہٹ درجہ حرارت بوت عام ےلیکن پودے بغیر کسی مسلۓ دے رہ سکدین۔ گرمیاں چ تسی انڈین کنول نوں باہر تالاب چ رکھ سکدے او لیکن سردیاں چ اس نوں اندر رکھنڑاں ضروری ے۔ خراب حالات چ، ایہہ پانڑی دی تلویں سطح اسی طرح اگدا ے جسطرح water lily اگداے۔

انڈین کنول نوں اگانڑے دا بہترین طریقہ ایہہ وے کہ ہک مضبوط پانڈا (ٹب) استعمال کیتا جاوے جس چ 60 سی 80 لیٹر پانڑی آسانی نال آ سکے- ہر ہک تہ 10 یورو خرچہ آنداے۔ مندر جہ ذیل طریقہ استعمال کرو: اگنڑیں والے بیج ہک گملے چ راؤ جس چ چیکڑ یا پانڑی ہووے تے ایہہ گملا مضبوط پانڈے (ٹب) چ رکھ دو۔ اگنڑیں دے اچھے نتائج وسطے ٹب نوں سرے تک پانڑی نال پہر دو۔

مضبوط ٹب نوں استعمال کرنے دا فائدہ ایہہ وے کہ تسی اس نوں آسانی نال جدھر چاہوو رکھ سکدے او۔ بعد والے طریقے چ ایہہ ضروری ے کہ ٹب کسی کھڑکی دے کول رکھا جاوے تا کہ اس دا پتہ لگدا رووے کہ انڈین کنول نوں سورج دی روشنی تے گرمی پہینچ دی پئ ے۔ گرمیاں چ، ٹب نوں تسی جنوب دی طرف یا باغ چ بھی رکھ سکدے او۔ جس طرح تسی دیکھ سکدے او، انڈین کنول آسانی نال اگ سکدا ے- ادھر تک کہ ہک عمارت دے اندر بھی!

««« پچھلی تحریر: دھند برداشت کرنے والے کھجور Rhapidophyllum hystrix ،Needle Palm اگلی تحریر: بیجاں سی آم اگانڑاں »»»

ہفتہ 27.2.2010 18:01 | پرنٹ | آبی تے سمندری پودے

KPR دے بارے چ

KPR - د سلواکیا د مالیارانو کلوپ
KPR- باغباناں دا گروپ، باغباناں دی ہک بین الاقوامی تنظیم ے۔ مزید پڑھو
پودیاں دے بڑھنے دے بارے چ آنپڑے تجربے نوں ساڈے نال شریک کرو۔ باغبانی، پودیاں، پودیاں دے بڑھنے وغیرہ دے بارے چ ہک تحریر لکھو۔ تے آنپڑی زبان چ ساڈے رسالے Botanix چ شائع کرو! مزید معلومات وسطے ساڈے نال رابطہ کرو۔