Botanix – Tira kan i hantum turizey bon

Botanix Zarma Edition

Kalimantan Mangu, Kasturi (Mangifera casturi)

Kalimantan Mangu (Mangifera casturi) kan se i ga nee Kasturi turigna no kan ga to m 10–30 kuu yan. Ni ga di a foyan Banjarmasin labo batamey ra Borneo dendi kambee (Indonesie). Sohon ni si dua zama i sobay ga wi. Amma, ni ga di boro yan kan ga a duma izey kaaniyo se.

Kalimantan Mangu (Mangifera casturi) si beeri gumo ga to mangu jarey. A tina ga to sanga grammes 50 ga koy 84 a fo kulu. Waati kan a mana nini a couleur ga yarga – amma waati kan a nini a ga te couleur bosu wala sanga couleur bi a ganda kopto kan ga gnala. Couleur mo ga nan boro ma bay M. casturi kan dumi no. Mangifera casturi dumi 3 no gono – Kasturi, Mangga Cuban da Pelipisan. Wo kan i ga ba ga biisa i kulu no ga ti Kasturi zama a ganda haw kaano. Mangga Cuban da Pelipisan gey wo wani no i go. Boro ga hini ga du Pelipisan da haw kaano sanga kasturi wodini ga cabe kan turizo mana funu kala Kasturi ga. I hima ga ceci da di hala yadini no.

Turizo basso orange no a ganda mo haw kaano kan ga hinne no. Kasturi da Mangu (Mangifera indica) ga fayanka, Kasturi si kaanu ga to Mangu amma a hawo ga kaanu a ganda mo arome kan ga baanu.kasturi basso ganda fibre boobo.

Sud Borneo borey ga ba Kasturi gumo yadini no labey kan ga manu nodini. A kaaniyo se kala borey na doni ka a se. Dono sanney neya: “Seharum kasturi, seindah pelangi, semuanya bermula.” ga no ga ti: “Oh, haw kaano sanga Kasturi, bori sanga sajeera. Bakasiney sintine nga naru yano.”

Ni si di turo dini sajo ra sohon zama turikukay sobay ga wi. Kalimantan Mangu gnongay kulu ga ba ga bu zama borey ga ba i bundo gumo. Borey ga turey faru nongu keyna ra ngey farey djarga.

Borey si Kalimantan Mangu dan fari beeri ra ga to mate kan i ga turi djarey dan da zama se manti turi no kanga tara ga beeri. Mataraman labo ra no ni ga hini ga di Kalimantan Mangu farey Banjar labo ra (Banjar labo ga waani Banjarmasi labu). Mataraman borey ba ngey ma dan fari keyna yan 1980 jiiro ra de i ma duturizey 2005 jiiro ra. Ba kan turizo gono gumo, a si to bora kulu.

Izo da bundo se no borey ga ba Kalimantan Mangu gna. Ba kan turigna zeney ganda tigsi kan ga biisa metar1, Banjar borey (boro yan no kan go teko me, djarey go labo gunda kuna ra nodini Borneo Dendi kambee), ga nafa da turizey zama se turo sitare ga beeri. Wodini se Banjar borey ga ceci turi foyan ga du i ga bundu kan ga bori ga to wey dini. Boro si du turizo fala fala zama Kasturi turigna ga beeri gumo a kaaru yan si fala– izey kan ga kan ganda si sinda qualite hanno.

I ga izey sanbu yadini wala i ma te confiture Kasturi. Ni si diya habey ra fala fala zama borey ga sanbu ngey bon se no. Produits djarey kan i ga te da mangu no ga ti puree, jus wala dodol (nwari no). Produits no kan du yan si fala zama borey ga bara gumo Banjar borey turize kwassa no. Turizey ga cada amma Banjar borey se a to yadini a wone kaaniyo se!

««« Article kan jiini: Indonesie Mangu Article kan ga kaa: Mangu dumizey beerandi yan »»»

Alarba 16.6.2010 16:33 | Imprimer | Turizey kan funu nongu fo

KPR ciina

KPR - Kalikoyay Sata Slovaki Labou
KPR - Kalikoyay Sata labey kulu kalikoyay wane no. Ma caw ga di...
Ma cabe borey se ni bayra turizey tilam yano ciina ra. Ma hantum tira kali hanse yan bon, turizey, da turizey tilam yano ciina ra etc. de ma katarey ni wane ciina ra iri wane Botanix tira ra! Ma iri contacter da aran ga ba laabari ga tonton.